Обычная версия сайта
Размер шрифта: 100% 150% 200%

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



РОССИЯ ФЕДЕРАЦИЯСА ФЕДЕРАЛЬНÖЙ СОБРАНИЕЛÖН ГОСУДАРСТВЕННÖЙ ДУМАСА ДЕПУТАТ

ОЛЬГА ВИКТОРОВНА САВАСТЬЯНОВА

 

Олан туй

Ольга Викторовна Савастьянова чужис 1960 вося косму тӧлысь 5 лунӧ Коми АССР-са Емдін районлӧн Мадмас посёлокын служащӧйяс Галина Фёдоровна да Виктор Гаврилович Железняковъяслӧн уна челядя семьяын. Мамыс воис войвылӧ Ярославльысь комсомольскӧй путёвка серти. Ичӧтджык чойыс, Татьяна, велӧдӧ история чужан посёлокын.

Школа помалӧм бӧрын Ольга Савастьянова пырис Коми педагогика канму институтӧ, кӧні босьтіс “Немеч да англия кыв велӧдысь” специальносьт.

1996 воын помаліс Россия Федерацияса Президент бердын Канму службаӧ велӧдан академияын аспирантура.

Школаын сизимӧд классын велӧдчигӧн на бӧрйылісны комсомольскӧй организацияса лидерӧн. А суйӧрсайса кывъяс велӧдан факультетын Ольга Савастьянова мӧд курссянь витӧдӧдз веськӧдліс факультетса комсомолӧн.

Сійӧс помалӧм бӧрын, 1991 воӧдз, уджаліс Коми Республикаса комсомольскӧй органъясын. Уна удж вылӧ видзӧдтӧг ӧттшӧтш велӧдчис и ВЛКСМ ЦК бердын Высшӧй комсомольскӧй школаын, кодӧс зэв бура помаліс 1988 воын.

 

Ӧтйӧза удж

90-ӧд вояс шӧрсянь Ольга Савастьянова пырӧдчис ӧтйӧза уджӧ. Веськӧдліс Коми Республикаса гражданскӧй парламентӧн, Коми Республикаса ӧтйӧза палатаӧн.

Юрнуӧдіс “Россияса нывбабаяслӧн союз” Коми дінму юкӧнӧн. Водзмӧстчис Коми Республикаса нывбабаяслысь палата да Нывбабаяслы дінму веськӧдлан шӧрин лӧсьӧдӧмын.

Таысь кындзи, Ольга Савастьяновалӧн водзмӧстчӧмӧн республикаын котыртісны медводдза негосударственнӧй Ӧтйӧза палата, кытчӧ пырисны дон босьттӧг уджалысь меставывса организацияяс.

Талун Ольга Савастьянова - “Россияса нывбабаяслӧн союз” ӧтйӧза организацияӧн веськӧдлысьӧс вежысь, пырӧ Ставроссияса народнӧй фронтлӧн Шӧр штабӧ, да, кыдзи и водзсӧ, дорйӧ землякъяслысь интересъяс.


Депутатсянь Морт инӧдъяс торъя дорйысьӧдз

2003 воын сыктывкарсаяс бӧрйисны Ольга Викторовнаӧс республикалӧн Каналан Сӧветса депутатӧн. 2007 воын сійӧс ӧтсӧгласӧн индісны веськӧдлыны Коми Республикалӧн парламентса Социальнӧй политика комитетӧн.

2012 воын Ольга Савастьяноваӧс дінмуса Каналан Сӧветлӧн помшуӧмӧн индісны Коми Республикаын морт инӧдъяс торъя дорйысьӧн.

 

Ставроссияса народнӧй фронт

2013 воын Ольга Савастьяноваӧс корисны Москваӧ Ставроссияса народнӧй фронтлӧн исполкомса юрнуӧдысьӧс вежысь чинӧ. Медводдза Учредительнӧй съезд вылын бӧрйисны Ставроссияса народнӧй фронтлӧн веськӧдлан органӧ – Шӧр штабӧ.

Москваын уджалігӧн эз ӧтдортчы республикаысь, отсаліс дінмуса олысьяслы решитны каръясын, районъясын, овмӧдчӧминъясын мытшӧдъяс, а сідзжӧ отсасис торъя йӧзлы да семьяяслы. Та вӧсна кӧсйысис веськӧдлыны Ставроссияса народнӧй фронтлӧн Коми Республикаын дінму исполкомӧн.

 

Президентлӧн команда

Ставроссияса народнӧй фронтын уджалігӧн Ольга Савастьянова вӧлі медводдзаяс лыдын, кодъяс водзмӧстчисны нуӧдны Россияса образовательнӧй форум. Пырис экспертъяс группаӧ, кодъяс “Страналы бур образование” форум бӧрын дасьтісны РФ-са Президентлы вӧзйӧмъяс.

Вӧлі Россияса йӧзлысь дзоньвидзалун видзӧм серти форум котыртысьяс лыдын. Мероприятие дырйи нуӧдіс “Медицина отсӧг босьтны верманлун да сылӧн качество” секция, да нӧшта вӧлі РФ-са Президенткӧд форумын участвуйтысьяслӧн аддзысьлӧм дырйи сомодераторӧн. 

Сылӧн юрнуӧдӧм улын “Социальнӧй справедливосьт” уджалан группа пуктіс ассьыс пай материнскӧй капитал водзӧ сетӧм вылӧ, лӧсьӧдіс “Водз отсӧг сетан концепция”. Сэні медводдзаысь пасйисны, мый канмусянь отсӧгсӧ колӧ сетны чужӧмсянь висьысь челядьлы.

Лӧсьӧдіс вӧзйӧмъяс “Семейнӧй политикалӧн концепцияӧ” да “Олӧма гражданалысь олӧм бурмӧдӧм вылӧ уджалан стратегияӧ”. Ольга Савастьянова уджаліс “Ӧткодь позянлун” уджтас лӧсьӧдӧм вылын, пыртіс торъя, системнӧй вӧзйӧмъяс, кыдзи мӧдлаӧ овмӧдны киссьӧм да аварийнӧй керкаясысь олысьясӧс, отсавны ичӧт бизнеслы, сӧвмӧдны йӧзлысь дзоньвидзалун видзӧм, найӧс велӧдӧм да культура.

Сылӧн вӧзйӧмъяс подув вылын лӧсьӧдісны механизм, мый отсӧгӧн йӧзлы позьӧ видзӧдны РФ-са Президентлӧн Индӧдъяс да тшӧктӧмъяс збыльмӧдӧм бӧрся, а сідзжӧ аддзыны дінмуяслысь да каръясын, сикт-грездъясын олысьяслысь тӧдчана мытшӧдъяссӧ.

Талун Ольга Савастьянова пырӧ “Россия вӧсна” ставроссияса народнӧй фронт ӧтйӧза выль ӧтмунӧм сӧвмӧдан РФ-са Президентлӧн командаӧ.


Россия Федерацияса Федеральнӧй Собраниелӧн Каналан Думаын удж

2016 вося кӧч тӧлысь 18 лунӧ бӧрйисны Россия Федерацияса Федеральнӧй Собраниелӧн сизимӧдысь бӧрйӧм Каналан Думаӧ депутатӧн. Россия Федерацияса Федеральнӧй Собраниелӧн Каналан Думаын веськӧдлӧ Каналан Думалӧн уджаланарт да сылысь удж котыртан комитетӧн.

 


информация о коронавирусе

Общероссийская акция взаимопомощи

План Правительства РФ по преодолению экономических последствий коронавируса



email home map
IT -опрос населения по оценке деятельности органов местного самоуправления

Год памяти и славы 2020

Инвестиционный портал Республики Коми


Витрина закупок Республики Коми

Горячая линия по короновирусной инфекции

Портал государственных услуг РФ

Активный регион Республика Коми

Официальный интернет-портал правовой информации

© 2021 ГАУ РК «ЦИТ»