Обычная версия сайта
Размер шрифта: 100% 150% 200%

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



КОМИ РЕСПУБЛИКАСА ЮРАЛЫСЬЛЫСЬ МОГЪЯС НЕДЫР КАДКОЛАСТӦ ЗБЫЛЬМӦДЫСЬ – ВЛАДИМИР ВИКТОРОВИЧ УЙБА

Чужис 1958 вося йирым тӧлысь 4 лунӧ Омск карын.

1982 воӧ помаліс Свердловскса канму медицина институт, лоис врач-гигиенистӧн, эпидемиологӧн.

1982 – 1984 воясӧ уджаліс Свердловск карса 20 №-а больничалӧн  3 №-а поликлиника юкӧнын цехӧвӧй врач-терапевтӧн.

1984 – 1989 воясӧ вӧлі Свердловск обласьтса Заречнӧй посёлокын Белоярскӧй АЭС-са профилакторийын юралысь врачӧн.

1989 воӧ восьса конкурс серти В.В. Уйбаӧс уджъёртъясыс бӧрйӧмаӧсь СССР-са йӧзлысь дзоньвидзалун видзан министерство бердын Коймӧд медшӧр веськӧдланінлӧн 32 №-а медико-санитарнӧй часьтса, Россияса йӧзлысь дзоньвидзалун видзан министерство бердын Медико-биологическӧй да экстремальнӧй мытшӧдъяс бырӧдан федеральнӧй веськӧдланінса начальникӧн, кӧні сійӧ юрнуӧдіс 1999 воӧдз (Свердловск обласьтса Заречнӧй кар).

1999 – 2002 воясӧ вӧлі Россияса йӧзлысь дзоньвидзалун видзан министерство бердын Медико-биологическӧй да экстремальнӧй мытшӧдъяс бырӧдан федеральнӧй веськӧдланінӧн юрнуӧдысьӧс вежысьӧн, Москва кар.

2002 – 2003 воясӧ вӧлі «ВИРУ» ичӧт кывкутана котырса медыджыд директорӧн, Свердловск обласьтса Заречнӧй кар.

2003 вося лӧддза-номъя тӧлыссянь ӧшым тӧлысьӧдз вӧлі Россияса йӧзлысь дзоньвидзалун видзан министерство бердын Медико-биологическӧй да экстремальнӧй мытшӧдъяс бырӧдан федеральнӧй веськӧдланінӧн юрнуӧдысьӧс вежысьӧн, Москва кар.

2003 вося ӧшым тӧлыссянь 2004 вося вӧльгым тӧлысьӧдз юрнуӧдіс Россияса йӧзлысь дзоньвидзалун видзан министерство бердын Медико-биологическӧй да экстремальнӧй мытшӧдъяс бырӧдан федеральнӧй веськӧдланінӧн, Москва кар.

2004 вося вӧльгым тӧлысь 6 лунсянь 2020 вося тӧвшӧр тӧлысь 22 лунӧдз веськӧдліс Федеральнӧй медико-биологическӧй агентствоӧн.

2020 вося тӧвшӧр тӧлысь 22 лунсянь В.В. Уйбаӧс индӧмаӧсь Россия Федерацияса йӧзлысь дзоньвидзалун видзан министрӧс вежысьӧн.

В.В. Уйба 2005 воӧ помаліс Россия Федерацияса Веськӧдлан котыр бердын Народнӧй овмӧс нуӧдны велӧдан академияын «Предприятиеын экономика да сыӧн веськӧдлӧм» цикл.

Россия Федерацияса нимӧдана врач, Россия Федерацияса наукаын нимӧдана уджалысь, Чеченя, Ингушетия, Лунвыв Осетия республикаясса нимӧдана врач, медицина наукаса доктор, профессор.

В.В. Уйбалы сетӧма Александр Невскӧй нима орден, «Айму водзын заслугаясысь» II, III да IV тшупӧда орденъяс, Повтӧмлунысь куим орден, Лунвыв Осетия Республикаса Ёрталун орден, Россияса Президентлысь аттьӧалӧмъяс, Россия Федерацияса Президентлысь почёт грамота, медальяс.

В.В. Уйба - наука да техника юкӧнын Россия Федерацияса Веськӧдлан котырлӧн премияа лауреат. Велӧдан юкӧнын Россия Федерацияса Веськӧдлан котырлӧн премияа лауреат.

В.В. Уйба гижис йӧзкотырлӧн дзоньвидзалунын мытшӧдъяс серти монографияяс да наука уджъяс. Уджъясыс отсалӧны сӧвмӧдны йӧзлысь дзоньвидзалун видзан системасӧ. Шӧр редакторалӧ «Медицина экстремальных ситуаций» да «Медицинская радиология и безопасность» журналъясын.

 

2020 вося косму тӧлысь 2 лунсянь РФ-са Президент В.В. Путинлӧн Индӧдӧн В.В. Уйбаӧс индӧма Коми Республикаса Юралысьлысь могъяс недыр кадколастӧ збыльмӧдысьӧн.

 

Гӧтыра, быдтӧ вит челядьӧс.

 


информация о коронавирусе

Общероссийская акция взаимопомощи

План Правительства РФ по преодолению экономических последствий коронавируса



email home map
IT -опрос населения по оценке деятельности органов местного самоуправления

Год памяти и славы 2020

Инвестиционный портал Республики Коми


Витрина закупок Республики Коми

Горячая линия по короновирусной инфекции

Портал государственных услуг РФ

Активный регион Республика Коми

Официальный интернет-портал правовой информации

© 2020 ГАУ РК «ЦИТ»